من دموع الخَل طين
نسيوا اللي نزلوا
إيه اللي جابهم هنا
لا اللقمة خِلصِت
من طبق الجيران
ولا الجعان اتفطم
خراطيش بتلعب في البصر
قُصر النظر..
جه عليه اليوم
أصبح لحسن الحظ
محدش يقدر يفسر
سر ضيق الصدر
في الرمل اللي أصبح
من دموع الخَل طين
كلنا
أيام ما كنا.. وكان لنا
عند البلد دي حقوق
رايحين للموت
زي ما نكون اتصاحبنا
اللي مات في القفص
غير اللي مات ع الصدر
في الرمل اللي أصبح
من دموع الخَل طين
نمرته محدش مسحها
من صحابه الميتين
أصل الطريق ازدوج
يا خِل طالع للسما
هل من سما تسمعك؟
يا دم نازل م الأزل
إنت اللي فاضل م الأمل
في الرمل اللي أصبح
من دموع الخَل..
No comments:
Post a Comment